Жыл сайын май айынын биринчи шейшембисинде Бүткүл дүйнөлүк астма менен күрөшүү күнү белгиленет. Бул астма боюнча глобалдык демилгенин (GINA) бир бөлүгү болуп саналат. Бул күн 2024-жылы 7-майда белгиленет.

Эл аралык астма күнү коомчулуктун көңүлүн бронхиалдык астма көйгөйүнө буруу, оору, анын диагностикасы жана дарылоосу тууралуу калктын маалымдуулугун жогорулатуу максатында уюштурулган.

Астма – өпкөнүн өнөкөт оорусу, ал ар кандай курактагы адамдарга таасир этет. Астма дем алуу жолдорунун айланасындагы булчуңдардын сезгенишинен жана кысылышынан келип чыгат, дем алуу кыйындайт.

Астманын белгилери жөтөлүү, кыркыроо, энтигүү жана көкүрөктүн кысылышын камтышы мүмкүн. Бул белгилер жең жана оор түрдө болуп, мезгил-мезгили менен пайда болушу мүмкүн. Астма симптомдору ар бир адамда ар кандай болушу мүмкүн. Кээде симптомдордун олуттуу түрдө оорлошу байкалат. Бул абал астма кармашы деп аталат. Симптомдор көбүнчө түнкүсүн же машыгуу учурунда күчөйт.

Астма олуттуу илдет болушу мүмкүн, бирок туура дарылоо менен аны көзөмөлгө алууга болот. Астманын симптомдору бар адамдар дарыгерге кайрылышы керек.

Астманы айыктырууга болбойт, бирок аны менен күрөшүү үчүн бир катар дарылоо ыкмалары бар. Эң кеңири таралганы – ингаляторду колдонуу, ал дарыны түз өпкөгө жеткирет.

Ингаляторлорду колдонуу астма менен ооруган адамдарга ооруну көзөмөлгө алып, нормалдуу, активдүү жашоо өткөрүүгө жардам берет.